Swaleh Atcha
Mississauga (Ontorio),  Canada.

tae ye tha ke raheNge yahaaN insaaN ki tarah
     laiken afsoos ! jiye be~sar o samaaN ki tarah

 shehr patthar ka hai' pattahr hi yahaaN barseNge
      lakh tum sar ko chupate raho nadaaN ki tarah

  "gard" lamhoN ki jami rehti hai dehleezoN par
    ab sabhi mahal huwe shehr e khamoshaaN ki tarah

   humbhi kuch khawaab liye aaye they gulshan meiN magar
         zer e khashaak huwe sabza e be~jaaN ki tarah

   yehi mosum hai mere huq meiN khizaaN se badtar
       yehi mosum tha kabhi visl e baharaaN ki tarah

     ye aur baat ke ' ik humhi andhere meiN rahe
    zeest ghuzri hai magar shamma farozaaN ki tarah

    aur tu kuch na kiya ' apna laho dey dey kar
    hum ne mehkaye heiN veerane gulistaaN ki tarah

   kal "gard" e gham e zeest meiN chup jaye kise ma'loom ?
    voh chehre jo aate hai nazar aaj rukh e janaaN ki tarah

     qafle luTte rahe rah e yaqeeN meiN humdam
    wesay kehne ko tu rebar heiN nigehbaaN ki tarah

  voh tu humhi they 'teri buzm meiN kuch bol uTThe
      varna khamosh they sab deeda e doraaN ki tarah

   zehn ki baat hai ' kuch aur naheeN ~Swaleh~
     koie khamosh ' koie moja e toofaaN ki tarah