Anant Kaur
USA

'Gard' Bane Teree Rahon Kee,  Aisee Meri Taqdeer Nahi
Chume Nishan Tere Qadmon Ke,  Milti Magar Tasveer Nahi

Aarzoo Hai Visal-e-Yaar Mein, Vaqt Kee Dharkan Ruk Jaye
Baandh Sake Jo Vaqt Ko Magar, Aisee Bani Zanjeer Nahin

Aandhion Ke Daur Mein, Udtee Rahi 'Gard' Khayalon Kee
Bante Thay Jo Aks Dhuen Mein, Haqeeqat Thay Tazveer Nahi

Misaal Nahi Hai Doosri, Is Husn Aur Shabab Kee
Ye To Khuda ki Rehmat Hai, Insaan Ki Tadbeer Nahi

Chaha Tha Chalna Saath Saath, Karvan- e -Ulfat Mein
Magar Fareb-e-Duniya Mein, Koi Rishta Tatveer Nahi

Chalte Rahe Hum Umar Bhar,Tum Tak Magar Na Pahunch Paye
Fasile Darmiya Thay Taqdeeron Ke, Panee Ki Koi Lakeer Nahi

Kaise Kareyn Shiqva Taqdeer Se, Toote Hue Sitaron Ka
Lab Silay Hain Aise 'Anant', Ke Miltee Tarz-e-Taqreer Nahi