Ahmad Shakir Munawar
    Germany
 
SochoN ke Bann-Bass meiN aakHir kuch to soojh hi jaiga
   yeh rasstoN ka Pecho-kHamm kHud Manzil bhi dikhlaiga

   Mumkin hai keh tujhko ab tak kHaak nazar na aata ho
   Waqt balla ka Shatir hai,wo ChaleN chalta jaiga

   Aankhen ro-ro chamkali haiN ,ujle Manzar takne ko
   Sooraj par jo "gard" parhi hai,usko kon hataiga

   Saare ache Mausam uski kHwahish mein hi biet gaye
   keya wo ab in zard RutoN meiN mujh se milne aaiga

   Sookhe patte aurh ke apne tan pe,Aankhen band kiye
   Soch raha hooN , Koi aakar Deepak Raag sunaiga

   Teri meri Aqal ke naate aaj bhi haiN ,aye Jaan, juda
   Jo maiN Baat samajh nahi paiya ,Shakir tu kaise batlaiga