Abubakar Aarif

"Gard DukhoN ki"

yehi kaha tha na tumne
"koii phir se mail ljol ho
koii baat baney...."
tu aao
baata ne
woh baat
jo afham o tefheem ki ho
ezzat o tehreem ki ho
sirat e mustaqeem ki ho
ke baat baney
aur
aaghe baDhe
aakhir
rusm o rah bhi puraani hai
aur 
dukh sukh bhi apna sanjha hai
kuch haal hamara pocho tum
kuch haal apna batao tum
kuch hum bhi aage aa jayen
kuch haath apna baRhaao tum
ke 
oRh ke chadar ghamoN ki
nisf sadi se zehnoN pe
jo "Gard" dukhoN ki chayee hai
aao milke saaf kareN woh...

mujhe yaad hai
yeh bhi tumhi ne kaha tha
"yehi raasta nikle
chol dukh dard mein 
koii tu raasta nikle
ke
musubat jab banti jati hai
tu dard kuch kam ho jata hai."

aao aapas meiN dukh dard 
bantlen
taa ke
dukhoN ke silsile
moqoof ho jayen
kehte heiN ke 
mohabbat meiN qurb ki
aamizesh ho tu use 
bulundioN tak ponhcha deti hai
qurbat tu jazboN ko jila bukhshti hai
suno aisa karte heiN
qareeb aa jate heiN
rukh e mazi pe chaaee
Gard miTa kar
har ghila shikwa bhulakar
koii raasta nikalte heiN
Haan
koii tu raasta nikle
aao baRhayen banheN
khuleNgi mohabbat ki rahen
andhere raastoN per bunke jughno jughmaghyen
chiraagh apni mohabbat ka hawa ke dosh pe jalayeN
aur
zindaghi ko 
aik naya paigham deN
aur raqam kareN
aik nayi tareekh
aisi tareekh
ke
aane wali nasleN
khiraaj den
aur naam
amr ho jaye....